काठमाडौं, नेपालमा थप ५२२ जनामा कोरोना सङ्क्रमण पुष्टि भएको छ । देशभर विभिन्न प्रयोगशालामा गरिएको परीक्षणमा पछिल्लो २४ घण्टामा थप ५२२ जनामा सङ्क्रमणको पुष्टि भएको स्वास्थ्य तथा जनसंख्या मन्त्रालयले जानकारी दिएको छ । योसँगै नेपालमा संक्रमितको कुल संख्या २ लाख ६२ हजार ७ सय ८४ पुगेको छ । देशभर सक्रिय संक्रमितहरुको संख्या ५ हजार २ सय २५ रहेको छ ।

यस्तै पछिल्लो चौबीस घण्टामा ५७८ जना कोभिड सङ्क्रमित निको भएर घर फर्केका छन् । योसँगै हालसम्म दुई लाख ५५ हजार ६६६ जना सङ्क्रमित निको भएका छन् ।

त्यसैगरी पछिल्लो चौबीस घण्टामा आठ जना सङ्क्रमितको मृत्यु भएको छ । योसँगै नेपालमा कोभिड १९ बाट मृत्यु हुनेको संख्या एक हजार ८९३ पुगेको छ ।