काठमाडौं, देशभर थप ४ सय २१ जनामा कोरोना सङ्क्रमण पुष्टि भएको छ । देशभर विभिन्न प्रयोगशालामा गरिएको परीक्षणमा पछिल्लो २४ घण्टामा थप ४ सय २१ जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ। योसँगै नेपालमा संक्रमितको कुल संख्या २ लाख ६१ हजार ८५९ पुगेको छ । देशभर सक्रिय संक्रमितहरुको संख्या ५ हजार ४८७ रहेको छ ।

यस्तै पछिल्लो २४ घण्टामा देशभर ६३७ जना निको भएर घर फर्किएका छन् । योसँगै नेपालमा निको हुनेहरुको कुल संख्या २ लाख ५४ हजार ४ सय ९४ पुगेको छ ।

यसैगरी पछिल्लो २४ घण्टामा थप ८ जना संक्रमितको मृत्यु भएको छ । योसँगै नेपालका कोरोना संक्रमणबाट मृत्यु हुनेको संख्या १ हजार ८ सय ७८ पुगेको छ ।