मगर समुदायको अधिकारको लागि लडिरहेको मगरात संघर्ष समितिले प्रथम राष्ट्रिय सम्मेलन गर्ने घोषणा गरेको छ । सममेलनपछि सो संगठनले आन्दोलनको कार्यक्रमहरु पनि घोषणा गरेको छ । शनिबार काठमाडौंमा पत्रकार सम्मेलनको आयोजना गरी सो संगठनले आन्दोलनको घोषणा गरेको हो ।

अध्यक्ष राम मगरले दुई तिहाई बहुमतको सरकारले संसद विघटन गरी मुलुकलाई द्वन्द्वमा फसाएको दावी गरेको छ । मगरले पत्रकार सम्मेलनमा आगामी फागुन २२, २३ र २४ गते दाङको घोराहीमा राष्ट्रिय सम्मेलन गर्ने जानकारी पनि दिए ।

मगरले मुलुक जोगाउनको निम्ति र नेपाली जनताको सम्मानजनक व्यवस्थापन गर्नका लागि संघर्ष भन्दा विकल्प नभएको दावी गरे । उनले भने, ‘एकीकरणको नाममा जुन नयाँ नेपाल बनेको छ । अहिलेको गणतन्त्रमा आइपुग्दा पनि संविधानमा हामीहरुको अधिकार सुनिश्चित गरिएनए ।’

दुई तिहाईको सरकार हुँदा किन संसद विघटन गर्नुपर्यो भन्दै उनले प्रश्न गरे । उनले भने,‘यो संविधान र शासकहरु गलत रहेछन् ।’ मगरले सत्ताधारीहरु पद, कुर्सी र नातागोता बचाउन विदेशीको दलाली गरिरहेको आरोप लगाए ।

उनले आन्दोलन देशव्यापी रुपमा गर्न समेत बताए । नेपालका विदेशीको इशारामा नेपालका पार्टीहरु चेलेको भन्दै देश गम्भीर सकटमा परेको तर्क गरे । उनले भने, ‘संसद विघटन हुँदा हामी खुशी पनि छैनौँ दुःखी पनि छैनौँ किनभने यो संविधान सुरुवाती दिनदेखि नै अपूरो थियो र अपुरो छ ।’ संसद विघटनले गर्दा संविधान नै धरापमा परेको उनले जिकिर गरे ।