• चैत्र २० २०८१, बिहीबार

कोरोना कहरः पछिल्लो २४ घन्टामा थप ४२६ जनामा संक्रमण, ७४८ डिस्चार्ज, ८ को मृत्यु

पुष १७ २०७७, शुक्रबार

काठमाडौं । पछिल्लो २४ घण्टामा थप  ४२६ जनामा कोरोना भाइरस (कोभिड-१९) संक्रमण देखिएको छ । १५३ महिला र २७३ पुरुषमा संक्रमण देखिएको स्वास्थ्य तथा जनसंख्या मन्त्रालयले जनाएको छ । यो सहित कोरोना संक्रमितको संख्या २ लाख ६१ हजार १९ पुगेको छ ।  मन्त्रालयका अनुसार गत २४ घन्टामा ५ हजार २२५ स्वाब नमूना परीक्षण गरिएकोमा ४२६ जनामा कोरोना संक्रमण देखिएको हो ।

यस्तै शुक्रबार थप ७४८ जना कोरोनामुक्त भएका छन्। योसहित हालसम्म कोरोना जित्नेको संख्या २ लाख ५३ हजार १०७ पुगेको स्वास्थ्य मन्त्रालयले जनाएको छ । मन्त्रालयका अनुसार निको हुनेको दर ९७ प्रतिशत हो । कोरोनाका गम्भीर २३४ जना आइसीयूमा र ३५ जनाको भेन्टिलेटरमा उपचार भइरहेको छ ।

देशभर सक्रिय संक्रमितको संख्या भने ६ हजार ४८ रहेको छ । अहिलेसम्म कोरोनाबाट मृत्यु हुनेको संख्या १८ सय ६४  पुगेको मन्त्रालयले जनाएको छ । शुक्रबार कोरोनाबाट थप ८ जनाको मृत्यु भएको छ। यस्तै अहिले ३६७ जना क्वारेन्टिन र ६ हजार ४८ आइसोलेसनमा रहेको मन्त्रालयले जनाएको छ ।