सिमकोट । पुसको कठ्याङ्ग्रिदो चिसोमै कर्णाली प्रदेशको हिमाली जिल्ला हुम्लाका बिद्यालयहरु खुल्न थालेका छन । बुधबारदेखि दक्षिण क्षेत्रमा रहेको अदानचुली गाउँपालिकाका बिद्यालयहरु सञ्चालनमा आएका छन् । लामो समय सम्म कोरोनाको कहरले बन्द भएका शैक्षिक संस्था गाउँकार्यपालिकाको निर्णयमा यस वर्षको हिउँदे बिदा नगरी खोलको अदानचुली गाउँपालिकाले जनाएको छ ।

गाउँपालिकामा रहेका १८ वटा सामुदायिक विद्यालय कठ्याङ्ग्रिदो चिसोमै व्यवस्थित रुपमा बुधबारदेखि संचालन आएको गाउँपालिका अध्यक्ष दल फडेराले जानकारी दिए । उनले भने बिद्यालय खुले पन विद्यार्थीको उपस्थित न्यून रहेको छ । कोरोना त्रासका कारण जिल्ला बाहिरका शिक्षक आउन नमानेको र स्थानीय शिक्षकले विद्यालय खोलेर सञ्चालनमा ल्याएका हुन् ।

जिल्ला बाहिरका शिक्षक उपस्थित नहुँदा बुधबारदेखि खोलिएका गाउँपालिकाभित्रका विद्यालय नियमित सञ्चालन गर्ने कि नगर्ने भन्ने विषयमा आज गाउँपालिका शिक्षा शाखाले निर्णय गर्ने भएको हो । विद्यार्थी कोरोनाको त्रासभन्दा चिसोका कारण विद्यालय उपस्थित हुन नसकेका हुन् ।

अदानचुली गाउँपालिकामा चारवटा मावि, चारवटा निमावि र १० वटा प्रावि गरेर १८ सामुदायिक विद्यालय छन् । कर्णालीका हिमाली जिल्लामा पुस र माघमा जाडो बिदा हुने गरेको थियो तर यस बर्ष भने नहुने भएको छ ।

https://golmediakhabar.com/%e0%a4%ae%e0%a5%81%e0%a4%96%e0%a5%8d%e0%a4%af-%e0%a4%86%e0%a4%b0%e0%a5%8b%e0%a4%aa%e0%a4%bf%e0%a4%a4-%e0%a4%9b%e0%a5%81%e0%a4%9f%e0%a5%8d%e0%a4%a6%e0%a5%88-%e0%a4%a8%e0%a4%be%e0%a4%87%e0%a4%95/