काठमाडौं । बालुवाटारको ललिता निवास क्याम्पाभित्रको सरकारी जग्गाका मुख्य आरोपित छुट्दै गएका छन् । उक्त प्रकरण अभियोग लागेकी उमाकुमारी ढकाललाई विशेष अदालतले २ लाख धरौटी सहित रिहा गरेको छ ।

सरकारी जग्गा व्यक्तिको नाममा दर्ता गरेको अभियोग लागेकी उनी थुनछेकका लागि विशेष अदालतमा उपस्थित भएकी थिइन् । ढकाल दुई लाख रुपैयाँ धरौटीमा रिहा भएकी हुन् ।
बिहीबार उनलाई विशेष अदालतका अध्यक्ष न्यायाधीश प्रेमराज कार्की, न्यायाधीशहरू अब्दुल अजिज मुसलमान र नित्यान्द पाण्डेयको इजलासले धरौटीमा छाड्ने आदेश दिएको हो । अख्तियार दुरुपयोग अनुसन्धान आयोगले ढकाल्नीसँग ९१ लाख २० हजार रुपैयाँ बिगो मागदाबी गरेको छ ।

राष्ट्रसेवक कर्मचारी पदाधिकारीहरूलाई अनुचित प्रभावमा पारी ललितानिवास क्याम्पाभित्रको सरकारी, सार्वजनिक जग्गा गैह्रकानुनी रुपमा आफू समेतको नाममा सट्टाभर्ना गरी–गराई आफूलाई प्रत्यक्ष लाभ र नेपाल सरकारलाई प्रत्यक्ष हानी पुर्‍याएकाले ढकाल्नीलाई अख्तियारले दुई वर्ष कैद वा बिगो जफत र जरिवानाको माग गरेको छ ।

ढकाल नाताले ललिता निवास प्रकरणका प्रमुख अभियुक्त डा। शोभाकान्त ढकालकी पत्नी हुन् । सरकारी र सार्वजनिक जग्गा बेचेको अभियोग लागेका डा। ढकालसँग अख्तियारले ३९ करोड भन्दा बढी बिगो मागदाबी गरेको छ ।

https://golmediakhabar.com/%e0%a4%95%e0%a4%b0%e0%a5%8d%e0%a4%a3%e0%a4%be%e0%a4%b2%e0%a5%80%e0%a4%ae%e0%a4%be-%e0%a4%b9%e0%a5%81%e0%a4%a6%e0%a5%88%e0%a4%82-%e0%a5%a7%e0%a5%a6-%e0%a4%94%e0%a4%81-%e0%a4%b0%e0%a4%be%e0%a4%b7/