काठमाडौं । नेपाल राष्ट्रिय मुवाँथाई सङ्घले पलिस्था कक्षपतीलाई सन् २०१९ वर्ष खेलाडी पुरस्कारबाट सम्मानित गरेको छ । कक्षपतिलाई राष्ट्रिय खेलकूद परिषद् राखेपका उपाध्यक्ष शिव कोइरालाले आज आयोजिक एक कार्यक्रममा रु ५० हजार नगदसहित सम्मान गरेका थिए ।

कोरोना महामारीका कारण वर्ष खेलाडीको पुरस्कार प्रदान गर्न ढिलाइ भएको सङ्घले जनाएको छ । कक्षपतिले सन् २०१९ को मार्चमा थाइल्याण्डमा सम्पन्न १६औँ विश्व मुवाँथाई च्याम्पियनसिपमा ३० किलो तौल समूहमा स्वर्ण पदक जितेका थिए । उनले उत्कृष्ट खेल प्रदर्शन गरेका वर्ष खेलाडीबाट सम्मानित गरेको सङ्घले जनाएको छ ।

यसैगरी सङ्घले सन् २०१९ मा राष्ट्रिय तथा अन्तर्राष्ट्रिय मुवाँथाई प्रतियोगितामा उत्कृष्ट खेल प्रदर्शन गर्ने खेलाडीलाई खेल सामग्रीसहित सम्मान गरेको छ । यसरी सम्मानित हुने खेलाडीमा शर्मिला मोक्तान, सन्तोष खत्री, गुणराज रुचाल, विजय लामा, अभिषेक राई, राहुल ठोकर, रसिव जारी, दील ठोकर, सन्दीप तामाङ, गुनसाँग तामाङ र सञ्जय राई रहेका छन् ।